ئەکادمیا هێگ بو پێشڤەبرنا شیانێت کارگێری

ل رێکەفتی ٨/٩ تا ١٧/٩/٢٠٢١ اونلاین
ول رێکەفتی ٢٢/١١ تا ٥/١٢/٢٠٢١ ، ل وەلاتێ هولەندا ، باژێرێ (هێگ) ب فەرمی بەشداربوین د خولا ب (هێزکرنا شیانێت کارگێری د سیکتەرێ ئاڤێ دا) ، وەکو نینەرێ وەزارەتا شارەوانی و گەشت و گوزار و رێڤەبەریا گشتی یا ئاڤ و سولینا – رێڤەبەریا ئاڤا دهوکێ ،، د ڤێ خولێ دا و بو ماوێ ١٤ روژان خولەکا تێر و تەسەل ل سەر چەوانیا ب رێڤەبرنا کار و بارێن ئاڤێ و مەترسیێن پاشەروژێ ل سەر ڤی سیکتەری و دانانا پلانێن ستراتیژی ژبو بەرهنگاربونا گهورینێن کەش و هەوای و هشکەسالیێ ئەوێن ل سەرانسەرێ جیهانێ رویدەن و ل دەڤەرا مە ل روژهەلاتا ناڤەراست و ئیراقا فێدرال و ب تایبەت هەرێما کوردستانێ ، ئەو مەترسیێن ل سەر سیکتەرێ ئاڤێ ب شێویەکێ ئاکادیمی هاتنە شروڤەکرن و نمایشکرن سەرەدانێن مەیدانی بو ٢ باژێرێن هولەندی هاتنە ئەنجامدان ( امستردام ، روتردام ) ژبو مفا وەلگرتن ژ پێشکەفتنا د بوارێ ئاڤێ دا هەی ل ڤی وەلاتی ، ، د ڤێ خولێ دا نوینەرێن ١٧ دەولەتێن روژهەلاتا ناڤەراست و باشورێ ئافریقیا بەشدار ببون و ب فەرمی ٢ نونینەر ژ هەرێما کوردستانێ ب پشتەڤانیا رێکخراوا VNG یا هولەندی بەشداربون ( رێڤەبەریا ئاڤا دهوکێ و رێڤەبەریا ئاڤدێری ل دهوکێ )، کورسەکێ تمام ل سەر ٥ بلوکێن ئاڤاکەر (Building Blocks for good water governance )ئەوێن ژلایێ رێکخراوا OECD ڤە ل پاریس هاتینە دانان هاتە ئەنجامدان ژلایێ ئەکادمیا هێگ یا هولەندی ڤە ،، ٢ پلانێن کورت خایەن ژلایێ مە ڤە هاتنە نیشاندان و مەترسیێن ل سەر ژێدەرێن ئاڤێ و ئاڤا ڤەخوارنێ هاتنە باس کرن ،،هەروەسا نمایشەک ژلایێ مەڤە هاتە نیشاندان و ئەو ئاستەنگ و ئاریشێن مە هەیێن بشێوەیەکێ کورت هاتنە باس کرن … هەژیە بێژین دڤێت بزیترین دەم کار ل سەر دانانا پلانەکا ستراتیژی بهێتە کرن ژلایێ حکومەتا هەرێمێ ڤە ژبو بەرهنگاربونا مەترسسێن کێم بونا ئاڤێ ل پاشەروژا نێزیک دا ل دەڤەرا مە و ب تایبەت هەرێما کوردستانێ ، ئەگەر دێ ئاریشێن مەزن رویدەن ل سەر دابینکرنا ئاڤا ڤەخوارنێ و پاراساتنا خوارنێ و گەشەکرنا چاندنێ و کشتوکالی .
سوپاسیەکا تایبەت بو پشتەڤانیا :
١.رێکخراوا VNG یا هۆلەندی ل دهۆکێ
٢.پاريزهەگا دهۆکێ
٣.رێڤەبەریا گشتی یا ئاڤ و سولینا
ئەندازیار
ڤەگێر احمد علی